Luna luparum

Praeteritas duas noctes conspiciebatur in coelo primum huius anni plenilunium, notum nomine lunae luparum.

Apogeum phaenomeni, id est lunā maxime oculis spectatorum expositā, incidit post horam octavam vespertinam temporis Medieuropaei die Veneris, sed spectaculum ipsum durabat usque diem Solis. Spectabatur plenilunium in Europā, Asiā, Africā et in parte Australiae.  

Primum huius anni plenilunium eo magis spectacularis est quod umbra lunae intravit - in summo momento nonaginta centesimis (90%) sui superficies - semiumbram terrae. Habuimus ergo simul et plenilunium et semi-defectionem lunae, quae imago fit in coelo rarissime.    

Nomen vulpinum plenilunio Ianuario primum datum est ab Indianis Americae Borealis ac spectat ad ululationem harum bestiarum, quae fame hiemali laborantes appropinquant propius colonias hominum.

Fontes imaginum:  TVPInfo, Gary Hershorn, Kirstypargeter/Getty Images, weheartit

#latin
#latinlanguage
#lingualatina
#latein
#latino